Samajh Leinge*****(Urdu Poetry)

Click On Image For Large Size View Nazar mili to nazar ki zubaaN samajh lengay Sunay baGHair teri daastaaN samajh lengay Jalayga haath faqat haath kuchh nah aayegaa Agar sharaaroN ko hum titliyaaN samajh lengay hameN daraayega phir kaisay KHof e tanhaaee Hum apni zaat ko gar kaarwaaN samajh lengay Abhi to waqt nay majboor kar rakha hay hameN Jo waqt badlaa to ik ik ko haaN samajh lengay Meray wujood say inkaar hay jinheN hum bhi unheN KHuda ki qasam be nishaaN samajh lengay mujhay yaqeen hay itnay woh be shaoor nahiN chhupi heN lafzoN meN jo bijliyaan samajh lengay