Chale the yaar badi zuam mein hawa ki tarah (Urdu Text Poetry)

Chale the yaar badi zuam mein hawa ki tarah (Urdu Text Poetry)

Palat ke dekha to baithe hain naqshe paa ki tarah

Mujhe wafa ki talab hai magar har ik se nahi

Koi mile magar us yaar-e-bewafa ki tarah

Mere wajood ka shahra hai muntazir kab se

Kabhi aa jaras ghuncha ki sada ki tarah

Thahr gai hai muhbaat kahaa aa ke muddat se

Na ibtida ki tarah na intiha ki tarah

Wo ajnabi tha to kyun mujh se pher kar aankheyn

Guzar gaya kisi dirina ashna ki tarah

Faraz kis k sitam ka gila karye kis se

Ki be niyaaz hoi khulq bhi khuda ki tarah

Ahmed Faraz

(zuam : ghamand ; naqshe paa : pair ke nishan,foot print ; jaras : wo baja jo qafile ki rawangi k waqt bajaye jata hai ; ibtidaa : starting ;intiha : ending ; dirina ashna : purana jan pahchan wala ; khulq : allah ki makhlooq)