Ye jo chehro pe liye garde alam aate hain (Urdu + Roamn Poetry)

Click On Image For Large Size View

Ye jo chehro pe liye garde alam aate hain

Ye tumhare hi pashimaane karam aate hain

Itna khul kar bhi na ro jism ki basti ko bacha

Barisheyn kam hoon to sailab bhi kam aate hain

Tu suna teri musafat ki kahani kya hai

Mere raste mein to har gaam pe kham aate hai
Khol chehron pe chadhane nahi aate hum ko
Gaaon ke log hain hum shahar mein kam aate hain
Wo to bedil koi sukha hua pata hoga
Tere aangan mein kahan un ke qadam aate hain

Bedil Haidary

(Garde Alam: dukh ki dhool; pashiman: sharmindagi; musafat: safar
karna; gaam: mile stone,rah ka pathar;khol:niqab,face mask)

intikhabe Nafees