Bajuz apne lafzoo k khazane kholta kab tha

Click On Image For Large Size View

Bajuz apne lafzoo k khazane kholta kab tha

Wo aankhen sochti kab thee wo chehra bolta kab tha

Use khud ko ganwane ka hunar bakhsha hai kis rut ne

Wo apna aks gahre paniyon mein gholta kab tha

Main darta hoon ye fazle hijr ki sazish na ho warna

Wo apne qeemti aansu hawa mein rolta kab tha

Yaqeenan phot ti hain mastiyaan us ki adaao se

Wagar na ru ba ru us ke zamana dolta kab tha

Ghalt fahmi k saye darmiyaan bichte gaye mohsin

Main us ke samne har baat pahle tolta kab tha

(bajuz: siwa,illawa;aks:parchain;fazle hijr:judai ka karam;rolna:udana;ru b ru :amne samne;ghalt fahmi: misunderstanding)

Mohsin naqvi

intikhab e Nafees