MUHABBAT AUR KAHANI

Tumhein Kaisy Batayein Hum
Muhabbat Aur Kahani Mein

Koi Rishta Nahi Hota
Kahani Mein
To Hum Wapis bhi Atay Hain
Muhabbat Mein Palatney Ka Koi

Rasta Nahi Hota

Zara Socho!

Kabhi Dil Mein Kharashein Daltii Yaadon Ki

Saffaki
Kabhi Daman Se Lipti Hai
Kisi Bhooli Hui Saa'at Ki NumNaaki
Mujhay Dekho...

Mery Chehrey Par Kitnay Mausamon Ki

Gard Hay Aur Iss Gard Ki Teh Mein
Samay Ki Dhoop Mein Rakha Hua Ek Aayina

Aur Aayiney Mein Taa Hadd-e-Nazar Tak Phaily
Muhabbat ke Sitarey Aks Ban Kar Jhilmilatey Hain

Nayi Duniyaoon Ka Rasta Batatey Hain

Lakeeron Mein Kahani Hai
Kahani Aur Muhabbat Mein

Azal Se Jung Jari Hai

Muhabbat Mein Ek Aisa Morr Ata Hai
Jahan Aa Kar Kahani Haar Jati Hai
Kahani Mein To Kuch Kirdaar Hum

Khud Farz Kartay Hain

Muhabbat Mein Koi Kirdaar bhi

Farzi Nahi Hota

Kahani Ko Kayi Kirdaar
Mil Jul Kar Kahin Aagay Chalatey Hain
Muhabbat Apney Kirdaron Ko Khud

Aagay Barhati Hai

Kahani Mein Kayi Kirdaar Zinda Hi Nahi Rehtay
Muhabbat Apney Kirdaron Ko Marney Hi Nahi Deti

Kahani ke Safar Mein
Manzaron Ki Dhool Urrti Hay
Muhabbat Ki Musafat RaahGeeron Ko

Bikharney Hi Nahi Deti

Muhabbat Ik Shajar Hai
Aur Shajar Ko Iss Se Kya Matlub
ke Iss ke Saye Mein Jo bhi Thaka Haara

Musafir Aa ke Baitha Hai

Ab Iss Ki Nasl Kya Hai, Rung Kaisa Hai
Kahan Se Aaya Hay Kis Simt Jana Hai
Shajar Ka Kaam To Bas Chhaon Dena
Dhoop Sehna Hai

Isay Iss Se Garaz Kya Hai
Parrao Dalney Walon Mein Kis Ne
Chhaon Ki Taqseem Ka Jhagrra Uthaya Hai

Kahan Kis Ehad Ko Torra,

Kahan Waada Nibhaya Hai

Magar Hum Jantey Hain
Chhaon Jab Taqseem Ho Jaye
To Aksar Dhoop ki Naizey
Rag-o-Pay Mein Utartey Hain

Aur Iss k Zakhm Khurda Log
Jeetay Hain Na Martay Hain...!!!

Post By: Zubia Kiran