A Few Sad Thoughts

Shayad
Tum bhool gaye
Wo baazu mere
Jinme tumhe karar thaa
Wo lafz mereâ
Jinse tumko pyar tha
Wo geet mere
Hothon pe sajaye tone
Wo ashq mere
Apni aankhon se bahaye tone
Kya tum bhool chuke..?
Khwaab mere
Jo neendo me teri aate the
Wo honth mere
Tere hontho pe kanpkanpaate the?
Wo man se man kaa chumban?
Jisme
Garmi thi vishwaason ki
Apnepan ke ehsaason ki
Wo vaadon ke aalingan?
Jab ghuli shabdon ki saanse
Jeevan ko bandhi thi kuch aasein
Wo virah ki raat..?
Jab sulagte the armaanon ke badan
Wo suhaagraat..?
Meri aashaon ki god me
Sehmaa saw o tera man
Nagn hee to tha
Tere man ke sharer pe
Jo rengi thi
Meri aashaaon ki hatheli?
Wo pal jisme laanghi thi
Tere man ne sharm kee dehli
Kya tum bhool paoge,,,,,?
Mere dil ke phool
Haathon se apne kuchle the
Aashaao ke sookhe patte
Pairon tale jo kuchle the ?
Tum kis tarah bhulaaoge?
Un phoolon ki khushbu
Ab bhi hogi haatho me
Patton ki charmarahat
Uthti hogi saanso me
Mere dil todne ka gunaah
Kabhi to sataata hoga
Kabhi jab dard deta ho koi
Tujhe maan yaad aata hoga
Post By Avenindra