Header Ads Widget

Phir Chaley Jana!

www.CuteeGroup.TK
Sakoot-e-jaan ka matlab bata do
phir chale jana
Ya phir sargoshian dil ki suna do
phir chale jana!
Jo mera aur tumhara waqt guzra
hansnay ronay mein
Usey puri tarha se tum bhula do
phir chale jana!
Ye saray pair poday tum bin
kai raat jage hein
Tum aa ke eik baar inn ko sula do
phir chale jana!
Kisi ko chahne ka aur kisi se
chahe jane ka
Jo hai ahsaas tum usko bhula do
phir chale jana!
Bus ik murda hansi se apne ashko ko
chupane ka Jo fun aata hai tum ko,
wo sikha do phir chale jana!
Wo jo ik lafz-e-ulfat hai, juda hai
apne maani se
Bas in alfaz-o-mani ko mila do
phir chale jana!
Jo kehte kahte ruk gaye,
unn sari baatoon ki
Sama'at ko talab hai wo suna do
phir chale jana!
Na jane kiun hai lakin dekhne ki
tum ko aadat hai
Meri ye be-waja aadat chura do
phir chale jana!
Mere inn roz-o-shab ka eik faqat
unwan bus tum hu
Mujhe tum doosra unwan laa do
phir chale jana!
Pyar ki koshish, aay Khuda,
na jaye raigan
Mujhe is sabr ka kuch phal dila do
phir chale jana..!!!


www.CuteeGroup.TK

www.CuteeGroup.TK

Post a Comment

0 Comments